Tunnel – అమెజాన్ ప్రైమ్‌లో ఉత్కంఠభరిత పోలీస్ థ్రిల్లర్ విశ్లేషణ

Tunnel లో మెగా ఇంటి కోడలు చేసిన రొమాన్స్ మెప్పించిందా?

ఆధునిక చిత్ర పరిశ్రమ ఒరవడిలో ‘కథలతో పాటు ఉత్కంఠ’ని కలిపే ప్రయత్నంలో వచ్చిన ఈ సినిమా, భేషుగ్గా వుంటుందా లేక అంతంతమాత్రం ఆకట్టుకుందా? వచ్చింది కొత్త కోణంతో కానీ ఫలితం మాత్రం మిశ్రమంగా ఉంది. మెగా ఇంటి కోడలు "లావణ్య త్రిపాఠి - అథర్వా మురళి" మధ్య రొమాన్స్ మెప్పించిందా?

కథా కమామీషు :

సినిమా ఓ విచారకరమైన ఈవెంట్‌తో ప్రారంభమవుతుంది – బ్యాంకు దోపిడిలో పాల్గొన్న కొందరు దొంగలను పోలీస్‌ ఎన్‌కౌంటర్ చేస్తారు. ఆ సంఘటన తరువాత వారిలోని ఒకరి రక్త సంబంధం శత్రువుగా మారి పోలీసులపై ప్రతీకారం తీర్చుకోవాలని సిద్ధమవుతాడు. అటు మొదట్లో అల్లరి-చిల్లరిగా తిరిగిన హీరో, తర్వాత కుటుంబ పరిస్తితులను అర్ధం చేసుకొని ఓ ఆక్సిడెంట్ లో చనిపోయిన బృందం స్థానంలో నియమితుడైన పోలిసు కాన్స్టేబుల్ లో ఒకరైన అథర్వా మురళి పాత్రధారి ఆ ప్రతీకార గేమ్‌లో ఎలా చిక్కుకున్నాడు, అసలు దానికి కారణం ఏమిటి అనేవి చిత్ర కథా అంశాలు.

ఓ మధ్య రాత్రి పోలిస్ పెట్రోలింగ్ లో ఓ వ్యక్తి అనుకోకుండా మాన్ హోల్ నుండి అకస్మాత్తుగా బయటకి రావడం చూసిన ఈ బృందం, నాయకుడు తన పోలీస్‌ సహచరులతో అతనిని వెంబడించి ఓ మురికి వాడలో చిక్కుకుపోతారు. అక్కడి నుండి జరిగేది తెలుసుకునే ప్రయత్నంలో తన మిగిలిన సహచరులను కోల్పోయి ఎలా బయటపడ్డాడు , అసలు ఆ మురికివాడలో జరుగుతున్న కథ ఏమిటి అనే ప్రశ్నకు జాగ్రత్తగా నడవాల్సిన మలుపులను కలిపి ప్రేక్షకులకు ఫలితాన్ని అందిస్తుంది.

విశ్లేషణ :

దర్శకుడు ర‌వీంద్ర మాధవ కథ పేరిట మంచి థ్రిల్లర్ లక్షణాలను ఆకలింపు చేసినప్పటికీ, అమలు విషయంలో కొంత వెనుకబడినట్టుగా అనిపిస్తుంది. అథర్వా మురళి తన పాత్రను ప్రశాంతంగా తీసుకున్నాడు — యువ పోలీస్‌గా ఉండే భయం, బాధ్యత అన్నింటినీ కొంచెం నిబద్ధతతో పాత్రధారిగా చూపించాడు. ఇక కథానాయిక చాలా పద్ధతిగా ఉన్నతంగా కనిపించిందనే చెప్పాలి.

కానీ స్పష్టంగా హైలైట్ అయ్యేది ఖండితంగా అశ్విన్ కాకుమాను (Ashwin Kakumanu) పాత్ర. అతని ప్రతినాయక పాత్ర తక్కువ మాటలతో బలంగా కనిపిస్తుంది. రవీంద్ర మాధవ మాత్రం పాత్రల వెనుక ఉన్న మోటివ్స్‌ను, ఫ్లాష్ బ్యాక్‌లను సరిగ్గా హ్యాండిల్ చేయలేకపోయాడు. ప్రత్యేకంగా మధ్యలో వస్తున్న రొమాన్స్ ట్రాక్, హాస్యం భాగాలు కథకు బలాన్ని తీసుకొచ్చేవిగా కాకుండా కొంచెం వ్యతిరేకంగా కనిపిస్తాయి.

సాంకేతికంగా చూస్తే, రాత్రి సెట్స్‌లోని వేడుకలు, పోలీస్ పెట్రోలింగ్ సన్నివేశాలు విజువల్స్ కనువిందు చేశాయి. కానీ ఎడిటింగ్, కథా వేగం విషయంలో కొన్ని ఆటుపోట్లు ఉన్నాయి. ముఖ్యంగా రెండవ భాగం నిదానంగా అడుగులు వేస్తుంది.

ఆస్తులు :

అథర్వా మురళి-అశ్వత్ కాకుమానూ మధ్య సన్నివేశాల్లో వచ్చిన రసవత్తరమైన పోరు చిత్రానికి గీటురాయి వంటిది.
రాత్రిపూత జరిగే పోలిస్ పెట్రోలింగ్, క్రిమినల్ ఇన్వెస్టిగేషన్ చేసే విధానంలో, మలుపులు ఉన్న సన్నివేశాలు మాత్రం ప్రేక్షకుడిలో కొంచం ఉత్కంఠను రేకెత్తించాయి.
విజువల్ సెట్స్, ఛాయాగ్రహణం మరియు బ్యాక్‌గ్రౌండ్ స్కోర్ కొన్ని సందర్భాల్లో కథను అందంగా తీర్చిదిద్దాయి.
పోలీస్ వర్సెస్ గ్యాంగ్ థీమ్-తో ప్రేక్షకులను సినిమా ప్రారంభంలోనే ‘ఇంట్రెస్ట్’లో పెట్టే ప్రయత్నం చేసారు.

కుదుపులు :

కథా ఫ్లాష్‌ బ్యాక్ చాలా పాత చిత్రాల కోవలోకి రావడం నిరాశ అనుకోవచ్చు. ఫార్ములాలపై ఆధారపడి ఉంది — ఈ కారణంగా కొత్తదనం లేకపోవడం కొంచెం లోటుగా మారింది.
క్లైమాక్స్‌ ముందుగా ఊహించదగ్గదే అనిపించింది, ఇంకొంచెం మలుపులు ఉంటె బావుండు అనిపించింది.
కొత్తగా వచ్చిన పాత్ర (పోలీసు ఆఫీసర్లు) నేపథ్యాలు సమగ్రంగా తెరకెక్కించబడలేదని భావించవచ్చు.

తుది మాట :

“Tunnel” మూవీని ఒక పోలీస్ థ్రిల్లర్‌గా చూసుకోవచ్చు, కొన్ని మంచి సీన్లు, మంచి నటన ఉన్నాయి. అయితే కథా నిర్మాణం, నిర్లక్ష్యభరితంగా నడిచే భాగాలు, సరికొత్త భావాలు కొరతతో ఉండటం వల్ల పూర్తి స్థాయిలో ఆకట్టుకోలేకపోయింది. థ్రిల్లర్ ప్రేమికులకు “ఒకసారి చూడదగినది” అన్న స్థాయిలో చెప్పవచ్చు, కానీ ‘మీథ్రిల్ యూత్‌’ కోసం కాకుండా ‘ఒక సాధారణ పోలీస్ యాక్షన్ రైడ్’గా ఉండటంతో ముగుస్తుంది.

ఓ.టి.టి. ప్లాట్ట్ ఫార్మ్ : అమెజాన్ ప్రైమ్
నటీనటులు : అథర్వా మురళీ , లావణ్య త్రిపాఠి , అశ్విన్ కాకుమాను, షా రా, భరణి , దిలీపన్,లక్ష్మి ప్రియాంక
దర్శకులు : రవీంద్ర మాధవ
సంగీతం : జుస్టిన్ ప్రభాకరన్