ఒకరిపై ఒకరు గెలిచామని అనుకుంటూ విర్రవీగుతూ వుండే అహంకారయుత జనానికి కళ్ళు తెరిపించే ఓ పోలిక గల సమాధానం లేని ప్రశ్నల గద్యం
గెలుపెవ్వరిది ఓ నేస్తం!!
గెలిచామని అనుకొంటామే కొంతైనా....అసలైన గెలుపెవ్వరిదో తెలుసుకోగలమా ఎపుడైనా...
ఆశల వలయంలో , ప్రతిక్షణం ఊహలతో గడుపుతూ కడుపార తిరగాడే చిన్నారికోసం,
కనులార ఆనందంతో ప్రాణాంతకమైన పురిటి నొప్పులను సైతం లెక్కజేయక తన ప్రేగు తెంచుకుని జన్మించే
బిడ్డ కోసం ఎదురుచూసే కన్నతల్లిదా..? ( ' లేక' )
చెరగని రక్త వర్ణ కాంతితో, విశాల ప్రపంచంలోకి అడుగిడిన చిన్నారి ముద్దైనా తీరకనే పొత్తిల్లల్లోకి
కొందరికి ఆనందం వెనువెంటనే దు:ఖం ఉందనేలా ఆ పసికందుని నిర్దాక్షిణ్యంగా కబళించే కరాళ మ్రుత్యువుదా...?
లేలేత పరువాలతో కైపెక్కించే యవ్వన సంపదతో కవ్వించిన సొగసరి స్వచమైన ప్రేమని గెలుచుకున్న ప్రియునిదా ...? ( ' లేక' )
జన్మనిచ్చిన తల్లిదండ్రుల ఋణం తీర్చుకోవటం కోసం విధిలేని స్థితిలో ప్రేమికుని యెడల పరుషంగా మారిన ఆ ప్రియురాలి స్వచ్చమైన ఒంటరి మనసుదా.....?
జీవితం లో ఉన్నత శిఖరాలు చేరిన సాధారణ ఓ పేద తరగతి వ్యక్తిదా....? ( ' లేక' )
తన రెక్కల కష్టం తో బిడ్డల కోసం రేయింబవళ్ళు పరితపించే కన్నా తండ్రి శక్తిదా....?
శిల్పి చేతిలోని ' ఉలి ' చేసే గాయాలను సహించి శిల్పంగా మారిన ఆ రాతిదా....? ( ' లేక' )
ఆ రాతిని శిల్పంగా మార్చిన శిల్పకారునిదా....?
తన గుండెను చీల్చిన ' నాగలి ' కాఠిన్యతను సహించి సహకరి౦చిన ధరణి మాతదా...? ( ' లేక' )
ప్రకృతి విలయతాండవం చేసినా భరించి, కష్టాలకి ఓర్చి జగత్తుకు ధాన్యం పండించి ఇచ్చిన రైతన్నదా...?
--
శంకర్
0 కామెంట్లు
మీ కామెంట్స్ పరిశీలించబడతాయి. ఆమోదం పొందినవి ప్రచురించబడును.